Latest update April 18th, 2024 12:59 AM
Mar 19, 2011 Dem Boys Seh, Features / Columnists, News
If is nah one lie is another. This time dem lie bout some man name David Williams who got a media pass. GINA tell de world that this man is a freelance photographer attached to de Chronicle.
Dem boys know freelance is freelance. He can tek out photo and sell to Chronicle but fuh seh that he attach to that paper mekking a mockery of people. How come dem boys never see he at any special programme like when de police got dem conference or when de army got dem own or when dem have a fire or at some road accident or at some murder scene.
And dem boys want know since when de Chronicle does send people fuh tek out people house unless that person into crime. But even then, Chronicle don’t go down that road. That paper does avoid de drug dealers because these people and some government Ministers is friends.
De same man tek out Uncle Adam house. Dem boys want know what is de news value unless dem expect Uncle Adam to tun a Minister and dem want measure he progress later if he start fuh get rich like some of dem Ministers today.
And dem boys want know how come dem never see he wid a camera. Freelance photographer don’t use dem li’l digital camera. Something wrang but dem boys gun get de telephone records fuh see how much time Chronicle call he. De people in de Chronicle seh that dem don’t know he. One man claim that he never see de man in de newspaper and he certainly never bring in a photograph.
In any case, dem boys seh that it got to be an All Fools’ Day joke is only that Kwame and de GINA people miss de date. Talk half. Lef half.
JAGDEO ADDING MORE DANGER TO GUYANA AND THE REGION
Apr 18, 2024
SportsMax – West Indies captain Hayley Matthews has been named Wisden’s leading Twenty20 Cricketer for 2023, as she topped all and sundry, including her male counterparts. Alan Gardner looks...Kaieteur News – Compliments of the Ministry of Education, our secondary school children are being treated to a stage... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]