Dem boys seh… Madness tek over Main Big Lime

December 28, 2010 | By | Filed Under Dem Boys Seh, Features / Columnists, News 

De Main Big Lime had nuff police to mek sure that de place safe fuh all of dem who go out and look fuh entertainment. Fuh every spectator and tourist who go to de Lime dem had about two policemen. At least that is how it look.
De show was good. Music, food and drinks was in galore. People forget that dem had dem own food home.
But of course, at every function like that dem always got people who looking fuh what is not dem own. People wasn’t worried because dem see nuff police around de place. Dem same people get a rude call when gunshots rang out.
Some man snatch a chain and a man who see de snatch decide that he gun shoot. From de time dem gunshots ruing out de police disappear. Was like if none ain’t been there.
De police return when de situation done. When dem boys ask de officer in charge wha happen de man tell dem how an officer get wounded. This time de lady get blood pun she skin from somebody else.
That wasn’t de only stupidness. Some people decide to pelt one another wid drink bottle. One man get he head bus. Dem boys think was strangers buss he head. Is when he start fuh cuss he friend that people realize that he own friend pelt like wild and buss he head. This time is de time when madness does tek over.  Talk half. Lef half.

If you find a comment distasteful or inappropriate, you can flag the comment and send us a report for immediate removal. Send report to
Kaieteur News reserves the rights to moderate any comment deemed inappropriate and is not responsible for the views expressed.

blog comments powered by Disqus

Latest News Headlines

>>> Click to see more...

Updated by Kaieteur News Personnel. All Rights Reserved. A GxMedia website solution.