Dem boy seh… Kwame want a boys’ school
Kwame in China. How he get out or how he travel is a secret because nobody didn’t mek an announcement. When dem boys hear that he gone dem ask why he gone especially since Bharrat is de one who does do all de traveling.
He couldn’t travel through de States because he don’t have visa suh dem boys want to know if he go through Venezuela or Brazil or even Cuba.
He didn’t go through England and Canada. Dem hear both visa gone too. But he gone to China and when he come back he gun be talking Chinee.
Dem boys seh that he negotiating a loan fuh de government to build a boys’ school. He gone wid another man. De sad thing is that dem Chinee tell that he deh in de Wong Place.
Dem boys also talking how dem now know how de Chinee sign de Amaila Falls project.
Dem hear Kwame was coming and because he too low level dem sign before Kwame arrive.
De clique got money, though. Is one of dem Bee pay he passage. All of dem Bee stinking rich—Bharrat, Bobby, Brassy, Boyah and all dem Brian.
Talk half. Lef half.