Dem boy seh… Thiefman like real soldiers
De army celebrating because dem find some more of de missing AK. Is two policemen find dem and now dem boys want to know wheh dem same guns been all de time.
How dem meet Berbice is nothing strange but is de connection between de people who move de guns from de army and dem who sell dem all over de country.
Dem boys remember that Bharrat announce that he gun find all dem guns and that is only a matter of time. It tekking a lang time but it look like if he gun be right. He might find de last one when he too old to walk.
Then dem have de case of de people who decide to rob. Four of dem get ketch in four days and is strange how dem couldn’t get away. One set use a car from a taxi service. De police gun keep that car because it been in a robbery. Some officer gun end up driving it.
But is the other two who move like Ol’Higue in de night and get ketch when de sun come up. Dem had belly to hide in de trench fuh all that time.
Dem boys seh that when dem come out de jail de army should tek dem because dem can mek good jungle guerrillas. Dem didn’t even study snake in de trench.
Talk half. Lef half.