Latest update April 19th, 2024 12:59 AM
Jan 18, 2010 Dem Boys Seh, Features / Columnists, News
In dis hard guava season people glad to live anywhere. In any case dem can’t pay rent because de rent high and is every cent got to go in de pot. Couple of dem get some board from de sawmill and dem build a house, sometimes pun de reserve, sometimes pun any piece of open land.
But dem boys can’t understand how after all that trouble people can get suh vex that dem gun destroy de place that dem got to sleep. That is wha happen in town de other day. A woman lef she children wid matches and de house ketch.
If that was de only house then was alright but although de reserve suh big people build close up like if all de house married. Suh when one ketch is all. But de funny thing is that people push one in a canal. Is nah better dem did lef it fuh bun?
Then dem got this man who get vex wid he wife. He pack up he things and he light de house on fire. He smart because he building another house somewhere suh in de long run he got somewhere to sleep. But he forget that setting a house on fire is against de law.
Dem boys she that he gun sleep pun cold concrete fuh he stupidness. Just like de woman who bun down de house in Waterloo Street. She vex because she can’t collect de money no more. Dem boys seh that in she book, if she can’t collect, nobody gun collect.
Right now she smiling in jail wheh she gun spend five years because she got somewhere to sleep and dem who get bun out ain’t got nowhere. She forget one thing, though. Dem boys seh that de people who get bun out gun sue she when she come out of jail. Dem gun mek sure that she don’t own nutten fuh de rest of she life.
Is de same fire that got dem government Ministers living in rent house and dem own lock up. Dem know that somebody might get vex wid dem—either a wife or de sweet woman—and bun de house. By living in rent house or some government house, even if it bun dem still got dem own.
Some of dem got two and some building more than dem need. Is because of de fire thing. Dem boys now understand why Bharrat live in State House and not in de one he build at PRADOVILLE.
Talk half and leff half
Please share this to every Guyanese including your house cats.
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]